ભારતીય જનતા પાર્ટી ભારતની સૌથી અમીર રાજકીય પાર્ટી.૨૦૧૪માં કેન્દ્ર સરકાર બનાવ્યા બાદ ભાજપની આવકમાં વધારો.તાજેતરના ખુલાસા દર્શાવે છે કે, ૨૦૨૩-૨૪માં ભાજપની આવક વધીને લગભગ ૪,૩૪૦ કરોડ રૂપિયા થઈ છે.૨૦૧૪ પહેલા અને પછી ભારતીય જનતા પાર્ટીની નાણાકીય સફર ભારતીય રાજકીય ફન્ડિંગમાં સૌથી મોટા ફેરફારમાંથી એક દર્શાવે છે. સામાન્ય સંસાધનો ધરાવતા અનેક રાષ્ટ્રીય પક્ષોમાંથી એક હોવાથી ભારતીય જનતા પાર્ટી માત્ર એક દાયકામાં ભારતની સૌથી અમીર રાજકીય પાર્ટી બની ગઈ છે. એસોસિએશન ફોર ડેમોક્રેટિક રિફોર્મ્સ દ્વારા જાહેર કરવામાં આવેલા ડેટા અને સત્તાવાર આવકના ખુલાસા સ્પષ્ટપણે દર્શાવે છે કે, ૨૦૧૪માં કેન્દ્રમાં સત્તામાં આવ્યા પછી પાર્ટીની આવક અને સંપત્તિમાં કેટલી ઝડપથી વધારો જાેવા મળ્યો.
૨૦૧૪ની લોકસભા ચૂંટણી પહેલા ભાજપની નાણાકીય તાકાત બહુ મજબૂત નહોતી. નાણાકીય વર્ષ ૨૦૧૩-૧૪માં પાર્ટીએ લગભગ ૬૭૪ કરોડ રૂપિયાની કુલ આવક જાહેર કરી હતી. આ સમયગાળા દરમિયાન ભાજપની કુલ સંપત્તિ આશરે ૭૮૧ કરોડ રૂપિયા હતી. તે સમયે ભાજપ અને કોંગ્રેસ જેવી અન્ય રાષ્ટ્રીય પાર્ટીઓ વચ્ચેનો નાણાકીય તફાવત આજ કરતા ઘણો ઓછો હતો.
૨૦૧૪માં કેન્દ્ર સરકાર બનાવ્યા બાદ ભાજપની આવકમાં સતત ઝડપથી વધારો જાેવા મળ્યો. નાણાકીય વર્ષ ૨૦૨૨-૨૩ સુધીમાં પાર્ટીની જાહેર કરેલી આવક લગભગ ૨,૩૬૦ કરોડ રૂપિયા સુધી પહોંચી ગઈ હતી. આ ૨૦૧૪ પહેલાની આવકની તુલનામાં ૨૫૦ ટકાથી વધુનો વધારો હતો. ભાજપની આવકમાં સૌથી મોટો ઉછાળો ચૂંટણી વર્ષો દરમિયાન આવે છે. ૨૦૧૯-૨૦ નાણાકીય વર્ષમાં પાર્ટીએ તેમની અત્યાર સુધીની સૌથી વધુ આવક ૩,૬૨૩ કરોડ રૂપિયા જણાવી હતી. તાજેતરના ખુલાસા દર્શાવે છે કે, ૨૦૨૩-૨૪માં ભાજપની આવક વધીને લગભગ ૪,૩૪૦ કરોડ રૂપિયા થઈ ગઈ છે.
આવકમાં વધારા સાથે-સાથે કુલ સંપત્તિમાં પણ વધુ ઝડપી વધારો જાેવા મળ્યો છે. ૨૦૧૩-૧૪માં આશરે ૭૮૧ કરોડ રૂપિયાની સંપત્તિથી ભાજપની કુલ સંપત્તિ ૨૦૨૨-૨૩ સુધીમાં વધીને ૭,૦૫૨ કરોડ રૂપિયાથી વધુ થઈ ગઈ છે. આ લગભગ નવ ગણો વધારો દર્શાવે છે કે, પાર્ટી સતત પોતાની કમાણીથી ઓછો ખર્ચ કર્યો છે, જેના પરિણામે વર્ષ-દર-વર્ષ મોટી સરપ્લસ એકઠી થઈ રહી છે.
૨૦૧૩-૧૪ અને આગામી ૧૧ વર્ષ વચ્ચેની સરખામણી એક વાત સ્પષ્ટ થાય છે કે ભાજપનો રાજકીય સત્તામાં આવવાથી આ એક નાણાકીય પાવરહાઉસમાં પણ બની ચૂકી છે. ૨૫૦%થી ૪૦૦%થી વધુ ઈનકમ ગ્રોથ અને ૭,૦૦૦ કરોડ રૂપિયાથી વધુની સંપત્તિ સાથે પાર્ટી ભારતમાં રાજકીય ફન્ડિંગમાં બદલાવ દર્શાવ્યો છે.
