કંપનીને ફટકાર્યો ૫૦ લાખ રૂપિયાનો દંડ વંદે ભારત ટ્રેનમાં પીરસ્યું ખરાબ ભોજન, કંપનીને દંડ પટનાથી ટાટાનગર જતી વંદે ભારત એક્સપ્રેસમાં ભોજનની ગુણવત્તા અંગે ફરિયાદ બાદ કાર્યવાહી કરાઈ ભારતીય રેલવેએ વંદે ભારત એક્સપ્રેસમાં ભોજનની ગુણવત્તા અંગે મોટી કાર્યવાહી કરી છે. રેલવેએ તેની જ કંપની ઇન્ડિયન રેલવે કેટરિંગ એન્ડ ટુરિઝમ કોર્પોરેશન પર ૧૦ લાખ રૂપિયાનો દંડ ફટકાર્યો છે. પટનાથી ટાટાનગર જતી વંદે ભારત એક્સપ્રેસમાં ભોજનની ગુણવત્તા અંગે ફરિયાદ બાદ આ કાર્યવાહી કરવામાં આવી હતી.
માહિતી અનુસાર, ૧૫ માર્ચ, ૨૦૨૬ ના રોજ ટ્રેન નંબર ૨૧૮૯૬ પટના-ટાટાનગર વંદે ભારત એક્સપ્રેસમાં એક મુસાફરે ભોજનની ગુણવત્તા અંગે ફરિયાદ નોંધાવી હતી. રેલવેએ આ ફરિયાદને ગંભીરતાથી લીધી અને તપાસ બાદ કાર્યવાહી કરી. રેલવેએ ૈંઇઝ્ર્ઝ્ર પર ૧૦ લાખ રૂપિયાનો દંડ ફટકાર્યો છે. વધુમાં સંબંધિત સર્વિસ પ્રોવાઈડર પર ૫૦ લાખ રૂપિયાનો દંડ ફટકારવામાં આવ્યો છે. તે કંપનીનો કરાર સમાપ્ત કરવાનો આદેશ પણ જાહેર કરવામાં આવ્યો છે.
રેલવેના પ્રવક્તાએ જણાવ્યું હતું કે મુસાફરોની સલામતી અને પૂરી પાડવામાં
આવતી સેવાઓની ગુણવત્તા અત્યંત પ્રાથમિકતા છે. તેમણે ઉમેર્યું હતું કે કોઈપણ બેદરકારી અથવા ધોરણોનું ઉલ્લંઘન સહન કરવામાં આવશે નહીં. ભારતીય રેલવે તેના વિશાળ નેટવર્ક મારફતે દરરોજ લાખો મુસાફરોને સેવા આપે છે. IRCTC દરરોજ ૧.૫ મિલિયનથી વધુ મુસાફરોને ભોજન પૂરું પાડે છે. તે વિશ્વના સૌથી મોટા ઓનબોર્ડ ફૂડ ઓપરેશન્સમાંનું એક માનવામાં આવે છે.
રેલવેનું માનવું છે કે આટલા મોટા નેટવર્કમાં ગુણવત્તા જાળવવી ખૂબ જ મહત્વપૂર્ણ છે. તેથી મળેલી કોઈપણ ફરિયાદનું તાત્કાલિક નિરાકરણ કરવામાં આવે છે. આ ઘટના બાદ રેલવેએ સ્પષ્ટ કર્યું છે કે મુસાફરોના આરામ અને સલામતી સાથે કોઈ સમાધાન કરવામાં આવશે નહીં. જાે ખોરાકની ગુણવત્તામાં કોઈ ખામી જાેવા મળશે તો જવાબદાર એજન્સીઓ સામે કડક કાર્યવાહી કરવામાં આવશે.
આ કાર્યવાહી તમામ સેવા પ્રદાતાઓને સંદેશ પણ આપે છે કે મુસાફરોને શ્રેષ્ઠ સેવા પૂરી પાડવાની તેમની જવાબદારી છે. રેલવેએ જણાવ્યું છે કે ભવિષ્યમાં આવી ફરિયાદોનું નિરીક્ષણ કરવામાં આવશે અને જરૂરી પગલાં લેવામાં આવશે.
