ઐતિહાસિક માઇલસ્ટોન ફક્ત ૧૩ દિવસમાં હાંસલ કરી લીધો ભારતમાં સૌથી વધુ કમાણી કરનારી બોલિવૂડ ફિલ્મોમાં “ધુરંધર-૨” ટોચ પર રણવીર સિંહ અભિનીત આ ફિલ્મે ભારતીય બોક્સ ઑફિસ પર ૮૧૨ કરોડ રૂપિયા કરતાં વધુ નેટ કમાણી કરી રણવીર સિંહની “ધુરંધર: ધ રિવેન્જ” એ ઇતિહાસ રચ્યો છે, કારણ કે તે ભારતીય બોક્સ ઑફિસ પર ૮૦૦ કરોડ રૂપિયા નેટ ક્લબમાં પ્રવેશ કરનારી પ્રથમ બોલિવૂડ ફિલ્મ બની છે. “ધુરંધર: ધ રિવેન્જ” બોક્સ ઑફિસ પર તેની ઐતિહાસિક દોડ સાથે સતત ધૂમ મચાવી રહી છે.
રણવીર સિંહ અભિનીત આ ફિલ્મે ભારતીય બોક્સ ઑફિસ પર ૮૧૨ કરોડ રૂપિયા કરતાં વધુ નેટ કમાણી કરી છે, જેમાંથી માત્ર હિન્દી વર્ઝનમાંથી ૭૬૬.૫૦ કરોડ રૂપિયા નેટ આવ્યા છે, જ્યારે દક્ષિણ ભારતીય ડબ્ડ વર્ઝનમાંથી અત્યાર સુધી ૪૫.૫૦ કરોડ રૂપિયાનો ફાળો મળ્યો છે.આ પ્રકારની કમાણી સાથે, આ સ્પાય એક્શન ડ્રામા ભારતમાં ૮૦૦ કરોડ રૂપિયા નેટનો આંક પાર કરનારી પ્રથમ બોલિવૂડ ફિલ્મ બની છે. પ્રથમ “ધુરંધર” ફિલ્મ ૮૦૦ કરોડ રૂપિયા નેટની નજીક પહોંચી હતી પરંતુ ૧૦ કરોડથી ચૂકી ગઈ હતી. “ધુરંધર”એ તેની ૧૦૦ દિવસથી વધુની સંપૂર્ણ થિએટર રન દરમિયાન રાષ્ટ્રિય બોક્સ ઑફિસ પર આશરે ૭૮૯.૫૦ કરોડ રૂપિયા નેટ કમાણી કરી હતી.“ધુરંધર”થી ઉલટું, સિક્વલને દક્ષિણમાં તમિલ, તેલુગુ, કન્નડ અને મલયાલમમાં ડબ્ડ વર્ઝનમાં રિલીઝ થવાનો ફાયદો મળ્યો છે, સાથે સાથે પેઇડ પ્રિવ્યુઝનો પણ લાભ મળ્યો છે. “ધુરંધર: ધ રિવેન્જ”એ આ ઐતિહાસિક માઇલસ્ટોન ફક્ત ૧૩ દિવસમાં હાંસલ કરી લીધો. હવે તે તેના થિયેટ્રિકલ રનના અંત સુધી ભારતમાં ૧૦૦૦ કરોડ રૂપિયા નેટ પાર કરવાની દિશામાં આગળ વધી રહી છે, જે તેનાં આગળનાં પ્રદર્શન પર ર્નિભર રહેશે.
