છેવટે જવાનોએ ધક્કો મારવો પડ્યો જંતર-મંતર પર પોલીસ પર ભારે પડી યુવતી! બસની ચાવી લઈને ભાગી અટકાયત કરાયેલા લોકોને લઈ જતી બસને રોકવા આ ઘટના બની હતી : તેનો વીડિયો વાઇરલ થતાં ભારે ચર્ચા
દિલ્હીના જંતર-મંતર પાસે વિરોધ પ્રદર્શન દરમિયાન એક મહિલા પ્રદર્શનકારીએ પોલીસ બસની ચાવી છીનવીને ફરાર થઈ જવાની ઘટના સામે આવી છે, જેનો વીડિયો સોશિયલ મીડિયા પર ભારે વાઇરલ થઈ રહ્યો છે.
દિલ્હીના જંતર-મંતર પર ચાલી રહેલા પ્રદર્શન દરમિયાન એક મહિલા પ્રદર્શનકારીએ અચાનક પોલીસ બસના ડ્રાઇવર પાસેથી ચાવી છીનવી લીધી હતી. આ બસમાં અટકાયત કરાયેલા પ્રદર્શનકારીઓને બેસાડવામાં આવ્યા હતા.
ચાવી છીનવીને મહિલા વાહનને આગળ વધતું અટકાવીને ભીડમાં ગાયબ થઈ ગઈ હતી. કેટલાક લોકોએ ચાવી પાછી મેળવવા માટે તેનો પીછો પણ કર્યો હતો. વાઇરલ થયેલા અન્ય એક વીડિયોમાં બસના ડ્રાઇવર આ ઘટના વિશે જણાવતા નજરે પડે છે, જ્યારે ચાવી વગર બસ ચાલુ ન થઈ શકવાને કારણે પોલીસ કર્મચારીઓ તેને ધક્કો મારતા દેખાયા હતા.
આ ઘટનાનો વીડિયો સોશિયલ મીડિયા પ્લેટફોર્મ ઠ પર લાખો લોકો દ્વારા જાેવામાં આવ્યો છે અને તેના પર વિવિધ ચર્ચાઓ શરૂ થઈ ગઈ છે. સોશિયલ મીડિયા યુઝર્સ બે ભાગમાં વહેંચાયેલા જાેવા મળ્યા:
એક વર્ગે અટકાયતમાં લેવાયેલા લોકોને છોડાવવા અને વિરોધ નોંધાવવા માટે મહિલાના આ પગલાની પ્રશંસા કરી છે.
બીજા વર્ગે સવાલ ઉઠાવ્યા છે કે શું વાહનની ચાવી છીનવીને તેનો રસ્તો રોકવો કાનૂની દૃષ્ટિએ યોગ્ય છે અને તેનાથી કાનૂની કાર્યવાહી થઈ શકે છે કે નહીં.
આ સમગ્ર વિવાદ ચૂંટણી પંચની સમીક્ષાઓ અને માંગણીઓ સાથે જાેડાયેલા વિરોધ પ્રદર્શન દરમિયાન સર્જાયો હતો. આ પ્રદર્શનમાં પોલીસનો ભારે બંદોબસ્ત ગોઠવવામાં આવ્યો હતો. રવિવારના રોજ મુખ્ય ચૂંટણી કમિશનર જ્ઞાનેશ કુમારના રાજીનામાની માંગ સાથે થયેલું આ પ્રદર્શન ઉગ્ર બન્યું હતું, જેમાં પ્રદર્શનકારીઓએ બેરિકેડ તોડી નાખ્યા હતા અને અટકાયત કરાયેલા લોકોની બસને રોકવાનો પ્રયાસ કર્યો હતો. આ દરમિયાન લગભગ ૧૫ પોલીસ કર્મચારીઓ ઈજાગ્રસ્ત થયા હતા અને આશરે ૧૧૦ લોકોની અટકાયત કરવામાં આવી હતી..
