ખબર નથી કાલે હોઈશ કે નહીં… ૪ દિવસ પહેલા નાના પાટેકરના બોલેલા શબ્દો સાચા પડ્યા! નાના પાટેકર છેલ્લા કેટલાક દિવસોથી ગોવા હતા, અને ત્યાં તેમણે એક સાર્વજનિક કાર્યક્રમમાં હાજરી આપી હતી નાના પાટેકરના નિધનના સમાચારે સિનેમાની દુનિયાને અંદરથી હચમચાવી દીધી છે. ૭૫ વર્ષની વયે પણ પડદા પર પોતાના કડક અવાજ અને દમદાર અંદાજથી લોકોના દિલમાં જગ્યા બનાવનારા નાના છેલ્લા દિવસોમાં ગોવામાં હતા. માત્ર ચાર દિવસ પહેલાં એટલે કે ૪ ઓક્ટોબરે તેઓ સફેદ કુરતા અને ગમછામાં જાેવા મળ્યા હતા. ચહેરા પર એ જ સાદગી હતી અને વાતોમાં જિંદગીને લઈને એ જ નિડરતા. તે દરમિયાન તેમણે કેટલીક એવી વાતો પણ કહી હતી, જેને આજે યાદ કરવામાં આવે તો દિલ ભારે થઈ જાય છે. કદાચ તેમને પોતાને પણ અંદાજાે નહોતો કે, તેમની કહેલી વાતો આટલી જલ્દી યાદોનો હિસ્સો બની જશે. તે છેલ્લી સાર્વજનિક ઉપસ્થિતિમાં નાનાએ જિંદગી, સંબંધો અને પોતાના દ્રષ્ટિકોણ પર ખુલીને વાત કરી હતી. આજે તેમની એ જ ઝલક અને શબ્દો તેમના ચાહકો માટે એક ભાવુક યાદ બની ગયા છે.
નાના પાટેકર છેલ્લા કેટલાક દિવસોથી ગોવામાં હતા. તેમણે ૪ ઓક્ટોબર ૨૦૨૬ના રોજ ડોના પૌલામાં આયોજિત સમ્રાટ ક્લબ ઇન્ટરનેશનલ ઇન્સ્ટોલેશન સમારોહમાં ભાગ લીધો હતો. આ તેમની છેલ્લી પબ્લિક એન્ટ્રી (સાર્વજનિક હાજરી) સાબિત થઈ હતી. કાર્યક્રમમાં નાના સફેદ કુરતા અને ગમછામાં જાેવા મળ્યા હતા.
તેમણે મંચ પરથી ગોવાના પૂર્વ મુખ્યમંત્રી અને પોતાના નજીકના મિત્ર મનોહર પર્રિકરને યાદ કર્યા હતા. નાનાએ મનોહર પર્રિકરના વખાણ કરતા કહ્યું હતું કે, તેઓ તેમનાથી ઉંમરમાં નાના હતા, પરંતુ તેમનું કદ અને વ્યક્તિત્વ એવું હતું કે, તેમની સામે સન્માનથી માથું નમી જતું હતું. તેમણે પર્રિકરના કામ કરવાના જુનૂન અને પોતાના મિશન પ્રત્યેના સમર્પણને પણ યાદ કર્યું હતું.
તેમણે કહ્યું હતું કે, દરેક માણસે એક દિવસ જવાનું છે અને તેમને નથી ખબર કે તેઓ કાલે અહીં હશે કે નહીં. તેમણે પોતાની જાતને જ સવાલ કરવાની વાત કહી હતી કે, જ્યાં સુધી જિંદગી છે, શું તેઓ એ બધું કરી રહ્યા છે જે કરવા માંગે છે? નાનાનું કહેવું હતું કે, માત્ર પોતાના બાળકો, પત્ની અને ઘર સુધી જ દુનિયાને સીમિત રાખવી એ જિંદગીનો મકસદ ન હોવો જાેઈએ. માણસે સમાજને પણ કંઈક પાછું આપવું જાેઈએ. તે સમયે હાજર લોકો માટે આ એક અભિનેતાના જીવન અને સમાજને લઈને વિચારો હતા, પરંતુ તેમના નિધન પછી આ જ શબ્દો નાનાની છેલ્લી સાર્વજનિક વાતોમાં સામેલ થઈને અત્યંત માર્મિક બની ગયા છે.
નાના પાટેકર પોતાના બેબાક અંદાજ માટે જાણીતા હતા અને ગોવાના આ કાર્યક્રમમાં પણ તેમણે પોતાની વાત કોઈ પણ આડઅંબર વગર રાખી હતી. તેમણે વડાપ્રધાન નરેન્દ્ર મોદીને લઈને કહ્યું હતું કે, તેમને તેમની કેટલીક વાતો પસંદ છે અને કેટલીક પસંદ નથી.
તેમના જણાવ્યા મુજબ, લોકોએ પોતાની અસંમતિ વ્યક્ત કરતા શીખવું જાેઈએ. તેમણે વિરોધ એટલે કે પ્રોટેસ્ટના માયના સમજાવતા કહ્યું કે, જ્યારે કોઈ વસ્તુથી આપણે સહમત ન હોઈએ તો પોતાની વાત રાખવી જરૂરી છે, પરંતુ વિરોધ કરવાની રીત પણ મહત્વ રાખે છે. નાનાએ કહ્યું હતું કે, જાે તેમને કોઈનાથી કોઈ ફરિયાદ હશે તો તેઓ પોતાની વાત મુકશે, પરંતુ કોઈની પણ વિરુદ્ધ અસભ્ય કે અપમાનજનક શબ્દોનો ઉપયોગ નહીં કરે.
