
સુપ્રીમ કોર્ટમાં ચૂંટણી પંચનું સોગંદનામું SIR માં નામ કપાય તો પણ મતદારો ગભરાયા વિના ફોર્મ-૬ ભરે પંચે સ્પષ્ટ કર્યું છે કે માત્ર આ આધારે કોઈ ફોજદારી કેસ ચલાવવામાં નહીં આવે : આ સ્પષ્ટતાનો સ્થાનિક ભાષાઓમાં પણ વ્યાપક પ્રચાર કરાશે ચૂંટણી પંચે સુપ્રીમ કોર્ટને ખાતરી આપી છે કે સ્પેશિયલ ઈન્ટેન્સિવ રિવિઝન (SIR) દરમિયાન ડ્રાફ્ટ વોટર લિસ્ટમાં નામ કપાય તો કોઈપણ ડર વગર ફોર્મ-૬ ભરીને ફરીથી વોટર તરીકે રજીસ્ટ્રેશન કરાવી શકે છે. ચૂંટણી પંચે સ્પષ્ટ કર્યું છે કે, માત્ર આ આધાર પર તેમની સામે કોઈ ફોજદારી કેસ ચલાવવામાં નહીં આવશે કે તેમનું નામ અગાઉની વોટર લિસ્ટમાં હતું, પરંતુ જીૈંઇ દરમિયાન બહાર પાડવામાં આવેલી ડ્રાફ્ટ લિસ્ટમાં ન આવ્યું. સુપ્રીમ કોર્ટમાં દાખલ કરવામાં આવેલા સોગંદનામામાં ચૂંટણી પંચે જણાવ્યું છે કે, આ સ્પષ્ટતાનો સ્થાનિક ભાષાઓમાં પણ વ્યાપક પ્રચાર કરવા માટે તમામ રાજ્યોના મુખ્ય નિર્વાચન અધિકારીઓ (CEO)ને સૂચના આપવામાં આવી છે. પંચના જણાવ્યા પ્રમાણે કેટલાક લોકોને એવી આશંકા હતી કે, અગાઉ વોટર રહી ચૂકેલી વ્યક્તિનું નામ ડ્રાફ્ટ લિસ્ટમાં ન આવ્યા બાદ ફોર્મ-૬ ભરવા પર લોક પ્રતિનિધિત્વ અધિનિયમ, ૧૯૫૦ની કલમ ૩૧ હેઠળ તેની સામે કાર્યવાહી થઈ શકે છે. પંચે સ્પષ્ટ કર્યું છે કે આવા લોકો પર ફોર્મ-૬ ભરવા માટે કેસ ચલાવવામાં આવશે નહીં, શરત એટલી છે કે તેમનું નામ અગાઉથી કોઈ અન્ય લોકસભા કે વિધાનસભા મતવિસ્તારની વોટર લિસ્ટમાં નોંધાયેલું ન હોવું જાેઈએ અને ફોર્મમાં આપેલી ઘોષણા કાયદા મુજબની હોવી જાેઈએ. પંચે જણાવ્યું છે કે, તેણે એવા વોટર્સને પણ ફરીથી જાેડવા માટે પગલાં લીધા છે, જેમને ASDD એટલે કે ગેરહાજર, સ્થળાંતર કરનાર, મૃત અથવા ડુપ્લિકેટ શ્રેણીમાં રાખવામાં આવ્યા હતા. સુપ્રીમ કોર્ટે પણ આવા છૂટી ગયેલા વોટર્સ સુધી પહોંચવાનું સૂચન કર્યું હતું. ચૂંટણી પંચે ૬ નવેમ્બર ૨૦૨૬ના રોજ SIR વાળા રાજ્યો અને કેન્દ્રશાસિત પ્રદેશોના મુખ્ય નિર્વાચન અધિકારીઓને આ અંગે નિર્દેશો જારી કર્યા હતા. આ અંતર્ગત વોટર પોતાનું ભરેલું એન્યુમરેશન ફોર્મ (Annexure-A) પોતાના વર્તમાન સામાન્ય નિવાસ વિસ્તારના ઈલેક્ટોરલ રજીસ્ટ્રેશન ઓફિસર (ERO), સહાયક ઈલેક્ટોરલ રજીસ્ટ્રેશન ઓફિસર (AERO) અથવા બૂથ લેવલ ઓફિસર (BLO)ને આપી શકે છે. જે વોટર્સે પોતાનું સરનામું બદલ્યું નથી, તેઓ અગાઉ ફોર્મ જમા ન કરાવી શકવાનું કારણ જણાવતા છહહીટેિી-મ્ સાથે સહી કરેલું ફોર્મ જમા કરી શકે છે. આ ફોર્મ જાતે અથવા પરિવારના કોઈપણ સભ્ય દ્વારા આપી શકાશે. આ ઉપરાંત ઈઝ્રૈંદ્ગઈ્ પર ઈ-સાઈન સાથે ઓનલાઈન ફોર્મ જમા કરવાની સુવિધા પણ ઉપલબ્ધ રહેશે. પંચે કહ્યું કે એવી સિસ્ટમ બનાવવામાં આવશે જેથી તમામ યોગ્ય વોટર્સને ફાઈનલ વોટર લિસ્ટમાં નામ સામેલ કરાવવાની તક મળે. સાથે જ, વોટર લિસ્ટમાં બેવડા નામ ન આવે તેની પણ કાળજી રાખવામાં આવશે. અમે ચૂંટણી પ્રક્રિયાની શુદ્ધતા જાળવી રાખવા તેમજ એ સુનિશ્ચિત કરવા માટે પ્રતિબદ્ધ છે કે કોઈ પણ યોગ્ય મતદાર વોટર લિસ્ટથી બહાર ન રહે.




