ઈરાન-અમેરિકા-ઇઝરાયેલ યુદ્ધ.ટ્રમ્પનું એક નિવેદન અને ૧૦%થી વધારે ઘટ્યા ક્રૂડ ઓઈલના ભાવ.ટ્રમ્પનું એક નિવેદન અને ૧૦%થી વધારે ઘટ્યા ક્રૂડ ઓઈલના ભાવ.મિડલ ઇસ્ટમાં વધતા તણાવને કારણે ક્રૂડ ઓઇલની કિંમતોમાં ભારે ઉછાળો આવતા આખી દુનિયામાં હલચલ મચી ગઈ છે. આની સૌથી વધુ અસર એશિયામાં ભારતીય રૂપિયા (ભારતીય કરન્સી) પર જાેવા મળી રહી છે, જે ડોલરની સામે ઘટીને ૯૪.૦૧ના સ્તર સુધી પહોંચી ગયો છે. આ વચ્ચે અમેરિકી રાષ્ટ્રપતિ ડોનાલ્ડ ટ્રમ્પના એક એલાન પછી ક્રૂડ ઓઇલની કિંમતોમાં મોટો ઘટાડો નોંધાયો છે. જ્યારે અમેરિકી શેરબજાર (જીશ્ઁ ૫૦૦)માં ૨.૨૫%નો ઉછાળો આવ્યો છે. આંતરરાષ્ટ્રીય બજારમાં ક્રૂડ ઓઈલના ભાવ ૯૭ ડોલર પ્રતિ બેરલથી નીચે આવી ગયા છે.
અમેરિકી રાષ્ટ્રપતિ ડોનાલ્ડ ટ્રમ્પે એક પોસ્ટમાં કહ્યું છે કે, ઈરાન સાથે વાટાઘાટો ચાલુ છે અને હાલમાં ત્યાંના પાવર પ્લાન્ટ્સ પર હુમલો કરવામાં આવશે નહીં. તેમણે જણાવ્યું કે, છેલ્લા બે દિવસથી વાતચીત ચાલી રહી છે અને આગામી કેટલાક દિવસો સુધી આ ચાલુ રહેશે. આવી સ્થિતિમાં આગામી પાંચ દિવસ સુધી તેહરાનના પાવર પ્લાન પ્લાન્ટ્સને નિશાન બનાવવામાં આવશે નહીં. ટ્રમ્પના આ એલાન પછી ક્રૂડ ઓઇલની કિંમતોમાં લગભગ ૧૦ ટકાનો ઘટાડો જાેવા મળ્યો છે, જેનાથી વૈશ્વિક બજારોને કેટલીક રાહત મળી છે. બીજી તરફ, અમેરિકી રાષ્ટ્રપતિના દાવાઓની વિરુદ્ધ ઈરાને પ્રતિક્રિયા આપતાં કહ્યું છે કે, અમેરિકા સાથે શાંતિને લઈને કોઈ પણ પ્રકારની વાતચીત થઈ નથી. તેહરાને ટ્રમ્પના દાવાને સંપૂર્ણપણે નકારી કાઢ્યો છે. ઈરાનની ન્યૂઝ એજન્સી ઈર્નાના રિપોર્ટ અનુસાર, અમેરિકી રાષ્ટ્રપતિ ડોનાલ્ડ ટ્રમ્પનો ઈરાનના પાવર પ્લાન્ટ પર હુમલો ન કરવાનો ર્નિણય ઈરાન તરફથી આપવામાં આવેલી ચેતવણી પછી લેવામાં આવ્યો છે. રિપોર્ટમાં એમ પણ કહેવામાં આવ્યું છે કે મધ્યસ્થીઓ દ્વારા પણ ઈરાન સાથે કોઈ પ્રકારનો સંપર્ક કરવામાં આવ્યો નથી.ઉલ્લેખનીય છે કે, અમેરિકા-ઈઝરાયેલ અને ઈરાન વચ્ચે ચાલી રહેલા સંઘર્ષને હવે ચાર અઠવાડિયા થઈ ગયા છે અને ક્યાંયથી પણ શાંતિના સંકેતો દેખાઈ રહ્યા નથી. આ વચ્ચે, ઈરાન દ્વારા સ્ટ્રેટ ઓફ હોર્મુઝને બંધ કરી દેવાને કારણે તેલ અને ગેસની સપ્લાય પર અસર પડી છે, જેનાથી વૈશ્વિક ઊર્જા સંકટ વધુ ગંભીર બની રહ્યું છે. આની અસર ભારત સહિત અનેક દેશો પર સ્પષ્ટ રીતે જાેવા મળી રહી છે.
