પહેલી તસવીર સામે આવતા ફેન્સ ચોંક્યા સ્ટાર ક્રિકેટર આકાશદીપે મોટી હસ્તીઓની હાજરીમાં કર્યા લગ્ન આ પ્રસંગે ક્રિકેટર મુકેશ કુમાર અને ભોજપુરી સુપરસ્ટાર પવન સિંહ સહિત અનેક દિગ્ગજાે હાજર રહ્યા હતા ભારતીય ક્રિકેટ ટીમનો શાનદાર બોલર આકાશદીપે પોતાના જીવનની એક નવી અને સુંદર ઇનિંગની શરૂઆત કરી દીધી છે. આકાશદીપ બુધવારે ડેહરીની રહેવાસી અક્ષિતા રાજ સાથે લગ્નગ્રંથિથી જાેડાયો છે. ઉત્તર પ્રદેશના વારાણસી (કાશી)ની એક આલીશાન ફાઈવ સ્ટાર હોટેલમાં આ ભવ્ય લગ્ન સમારોહ યોજાયો હતો.
આકાશદીપ મૂળ બિહારના શિવહર જિલ્લાના બદ્દી ગામનો વતની છે, જ્યારે તેની દુલ્હન અક્ષિતા રાજ ડેહરીના માનિકપુરની રહેવાસી છે. સોશિયલ મીડિયા પર આ લગ્નની પ્રથમ તસવીરો સામે આવી છે, જેમાં દુલ્હન અક્ષિતા રાજ ટીમ ઈન્ડિયાના આ સ્ટાર ખેલાડીને વરમાળા પહેરાવતી જાેવા મળી રહી છે. આ ખાસ પળે ત્યાં હાજર તમામ લોકોએ તાળીઓના ગડગડાટ સાથે નવદંપતીને વધાવી લીધા હતા અને ઉજ્જવળ ભવિષ્યની શુભેચ્છાઓ પાઠવી હતી.
આકાશદીપ અને અક્ષિતાના આ લગ્નને યાદગાર બનાવવા માટે રમતજગત અને મનોરંજન દુનિયાની ઘણી મોટી હસ્તીઓએ હાજરી આપી હતી. લગ્ન સમારોહમાં ભોજપુરી સિનેમાના સુપરસ્ટાર પવન સિંહ અને ભારતીય ક્રિકેટર મુકેશ કુમાર સહિતના ઘણા દિગ્ગજાે વારાણસી પહોંચ્યા હતા અને વર-વધૂને આશીર્વાદ આપ્યા હતા.
ઉલ્લેખનીય છે કે, આકાશદીપની આ ખુશીમાં સામેલ થવા માટે થોડા દિવસો પહેલા બિહારના મુખ્યમંત્રી સમ્રાટ ચૌધરી પણ ખાસ ક્રિકેટરના ગામ પહોંચ્યા હતા અને તેને પ્રગતિ માટે અભિનંદન પાઠવ્યા હતા. આ પહેલા ૨૧ જૂનના રોજ યોજાયેલા આકાશદીપના તિલક સમારોહમાં પણ અનેક નામાંકિત હસ્તીઓએ હાજરી આપીને ચાર ચાંદ લગાવ્યા હતા.
