આદિવાસી ક્રાંતિકારી અને જળ, જંગલ તેમજ જમીનની રક્ષા માટે જીવન સમર્પિત કરનાર ‘ધરતી આબા’ ભગવાન બિરસા મુંડાજીની 151મી જન્મજયંતિ નિમિત્તે આમ આદમી પાર્ટી (AAP) દ્વારા તેમને ભાવભીની શ્રદ્ધાંજલિ પાઠવવામાં આવી છે. આ અવસરે આમ આદમી પાર્ટીના રાષ્ટ્રીય સંયોજક અને દિલ્હીના પૂર્વ મુખ્યમંત્રી અરવિંદ કેજરીવાલે સોશિયલ મીડિયા પર વિશેષ ટ્વીટ કરીને બિરસા મુંડાજીને કોટી-કોટી નમન કર્યા હતા. તેમણે જણાવ્યું હતું કે, આદિવાસી સમાજના અધિકારો, અસ્મિતા અને સ્વાભિમાનની રક્ષા માટે બિરસા મુંડાજીએ અંગ્રેજ શાસન સામે જે ઐતિહાસિક સંઘર્ષ કર્યો હતો, તે આજે પણ સમગ્ર દેશના નાગરિકોને પોતાના હકો માટે લડવાની પ્રેરણા આપે છે.
આમ આદમી પાર્ટી હંમેશાં વંચિતો, શોષિતો અને આદિવાસી સમાજના ઉત્થાન, શિક્ષણ, સ્વાસ્થ્ય અને તેમના બંધારણીય અધિકારોના સંરક્ષણ માટે પ્રતિબદ્ધ રહી છે. ભગવાન બિરસા મુંડાજીના વિચારોને અનુસરીને ‘આપ’ દ્વારા દેશના અંતરિયાળ વિસ્તારોમાં રહેતા આદિવાસી ભાઈ-બહેનોના સશક્તિકરણ માટે સતત અવાજ ઉઠાવવામાં આવે છે. આજના પવિત્ર દિવસે દેશભરમાં આદિવાસી સંસ્કૃતિ અને બિરસા મુંડાજીના બલિદાનને યાદ કરી તેમના બતાવેલા માર્ગ પર ચાલવાનો સંકલ્પ લેવામાં આવ્યો છે.
https://x.com/ArvindKejriwal/status/2121808469414330497?a=LndYGDavht3RMwcW1zQ&s=08
