ફેરફાર ટ્રાવેલર વેરિફિકેશન સર્વિસ નામની સિસ્ટમ હેઠળ કરવામાં આવ્યો છે.અમેરિકાએ હવે વિદેશી મુસાફરો માટે પ્રવેશ અને બહાર નીકળવાના નિયમો વધુ કડક બનાવ્યા.હવે પહેલીવાર ૧૪ વર્ષથી ઓછી ઉંમરના બાળકો અને ૭૯ વર્ષથી વધુ ઉંમરના વરિષ્ઠ નાગરિકોને પણ બાયોમેટ્રિક સ્ક્રીનિંગ કરાવવું ફરજિયાત બન્યું છે.અમેરિકાના રાષ્ટ્રપતિ ડોનાલ્ડ ટ્રમ્પે વિદેશીઓ માટેના પ્રવેશ અને બહાર નીકળવાના નિયમોમાં મોટા ફેરફાર કર્યા છે. આ નવા નિયમો હેઠળ હવે માત્ર સામાન્ય મુસાફરો જ નહીં, પરંતુ બાળકો અને વરિષ્ઠ નાગરિકોને પણ કડક ચકાસણીમાંથી પસાર થવું પડશે. આ નિયમો ૨૬ ડિસેમ્બરથી અમલમાં આવી ગયા છે અને તે અમેરિકાના તમામ એરપોર્ટ, જમીની સરહદો અને દરિયાઈ બંદરો પર લાગુ છે.
આ ફેરફાર ટ્રાવેલર વેરિફિકેશન સર્વિસ નામની સિસ્ટમ હેઠળ કરવામાં આવ્યો છે. આ સિસ્ટમ દ્વારા વિદેશી મુસાફરોની ઓળખ બાયોમેટ્રિક ડેટા દ્વારા ચકાસવામાં આવે છે. હવે પહેલીવાર ૧૪ વર્ષથી ઓછી ઉંમરના બાળકો અને ૭૯ વર્ષથી વધુ ઉંમરના વરિષ્ઠ નાગરિકોને પણ બાયોમેટ્રિક સ્ક્રીનિંગ કરાવવું ફરજિયાત બન્યું છે.
ટ્રાવેલર વેરિફિકેશન સર્વિસ (TVS) એ એક આધુનિક ઓળખ ચકાસણી પ્રણાલી છે. તેમાં મુસાફરના ફોટોગ્રાફ લેવામાં આવે છે અને ચહેરાની ઓળખ ટેકનોલોજી દ્વારા તેની ઓળખ ચકાસવામાં આવે છે. કેટલાક કિસ્સાઓમાં ફિંગરપ્રિન્ટ્સ પણ લેવામાં આવે છે. આ પ્રક્રિયા અમેરિકા પ્રવેશ અને બહાર નીકળતી વખતે કરવામાં આવશે.
કોને આ નિયમોથી અસર થશે?
આ નવા નિયમો હેઠળ નીચેના લોકો ખાસ અસરગ્રસ્ત બનશે
૧૪ વર્ષથી ઓછી ઉંમરના બાળકો
૭૯ વર્ષથી વધુ ઉંમરના વરિષ્ઠ નાગરિકો
રાજદ્વારી પાસપોર્ટ પર મુસાફરી કરતા રાજદ્વારીઓ
અગાઉ આ વર્ગના ઘણા મુસાફરોને બાયોમેટ્રિક ચકાસણીમાંથી છૂટ આપવામાં આવતી હતી, પરંતુ હવે એ છૂટ દૂર કરવામાં આવી છે.
નિયમો ક્યારે અને ક્યાં લાગુ થયા?
આ નિયમો ૨૬ ડિસેમ્બરથી અમલમાં આવ્યા છે. અમેરિકાના તમામ આંતરરાષ્ટ્રીય એરપોર્ટ, બોર્ડર ચેક પોઈન્ટ અને દરિયાઈ બંદરો પર TVS સિસ્ટમ લાગુ કરવામાં આવી છે.
ભારતમાંથી અમેરિકા જનાર મુસાફરોની સંખ્યા મોટી છે. અંદાજ મુજબ, ૨૦૨૫માં દરરોજ આશરે ૪,૦૦૦ ભારતીયો અમેરિકા જશે. વર્ષ ૨૦૨૫ દરમિયાન આશરે ૧.૫ મિલિયન ભારતીયોએ અમેરિકા મુલાકાત લીધી હતી, જ્યારે ૨૦૨૪માં આ આંકડો લગભગ ૨.૨ મિલિયન હતો. અમેરિકા મુલાકાત લેતા દેશોમાં ભારતીયો ત્રીજા ક્રમે આવે છે. તેથી આ નવા નિયમો લાખો ભારતીય પ્રવાસીઓને અસર કરશે.
અમેરિકા જતી વખતે હવે મુસાફરોએ વધુ સમય અને દસ્તાવેજાેની તૈયારી રાખવી પડશે. બાળકો અને વૃદ્ધો સાથે મુસાફરી કરતા લોકોને બાયોમેટ્રિક પ્રક્રિયા માટે માનસિક રીતે તૈયાર રહેવું જરૂરી છે. એરપોર્ટ પર વિલંબ થવાની શક્યતા પણ ધ્યાનમાં રાખવી જાેઈએ.
