Boeing 737 plane crash in Senegal: પશ્ચિમ આફ્રિકાના દેશ સેનેગલના રનવે પર બોઈંગ 737 પ્લેન ક્રેશ થવાની માહિતી સામે આવી છે. કહેવામાં આવી રહ્યું છે કે આ દુર્ઘટનામાં પ્લેનમાં સવાર 10 લોકો ઘાયલ થયા છે. આ સિવાય વિમાન રનવે પરથી લપસી જતાં રાજધાની ડાકાર નજીક સેનેગલના મુખ્ય એરપોર્ટ પર ફ્લાઈટ્સ સ્થગિત કરી દેવામાં આવી છે.
એવિએશન સેફ્ટી નેટવર્ક (ASN) ના ટ્વિટર હેન્ડલ પર શેર કરવામાં આવેલ વિડિયોમાં, સેનેગલ સ્થિત એરલાઇન ટ્રાન્સએરનો લોગો ધરાવતું પ્લેન ઘાસમાં પાર્ક કરેલું જોઈ શકાય છે અને તેની પાંખો અગ્નિશામક ફીણથી ઢંકાયેલી છે. જોકે, આ અકસ્માત અંગે સેનેગલ તરફથી હજુ સુધી કોઈ સત્તાવાર નિવેદન આવ્યું નથી.
