યુદ્ધની વચ્ચે ઇરાનમાં ભૂકંપના ભયંકર આંચકા ઈરાનના બંદર અબ્બાસ નજીક ૪.૧ની તીવ્રતાનો ભૂકંપ નોંધાયો આ ભૂકંપના કારણે વિસ્તારના રહેવાસીઓમાં ગભરાટ ફેલાયો હતો અને લોકો ઘરોમાંથી બહાર નીકળી ગયા ઈરાનમાં ચાલી રહેલા યુદ્ધની પરિસ્થિતિ વચ્ચે, શનિવારે (૭ માર્ચ ૨૦૨૬) ના રોજ એક જાેરદાર ભૂકંપ અનુભવાયો. યુનાઇટેડ સ્ટેટ્સ ભૂસ્તરશાસ્ત્રીય સર્વે અનુસાર, ઈરાનના દરિયાકાંઠાના શહેર બંદર અબ્બાસના પશ્ચિમ ભાગમાં ૪.૧ ની તીવ્રતાનો ભૂકંપ નોંધાયો હતો. આ ભૂકંપના કારણે વિસ્તારના રહેવાસીઓમાં ગભરાટ ફેલાયો હતો અને ઘણા લોકો પોતાના ઘરોમાંથી બહાર નીકળી ગયા હતા. બંદર અબ્બાસ એક મહત્વપૂર્ણ બંદર શહેર છે, તેથી સ્થાનિક વહીવટીતંત્રે તાત્કાલિક સુરક્ષા વ્યવસ્થાની સમીક્ષા શરૂ કરી દીધી હતી. પ્રારંભિક માહિતી અનુસાર, ભૂકંપને કારણે કોઈ મોટી જાનહાનિ કે નુકસાન થયું નથી, પરંતુ વહીવટીતંત્ર પરિસ્થિતિ પર નજીકથી નજર રાખી રહ્યું છે.
ઈરાનમાં આ આંચકા છેલ્લા આઠ દિવસથી અનુભવાય રહ્યાં છે. ઈરાન, અમેરિકા અને ઈઝરાયલ વચ્ચે લશ્કરી મુકાબલા વચ્ચે ભૂકંપના આંચકા ચિંતા વધારી છે. છેલ્લા ચાર દિવસમાં ઈરાનમાં આ બીજાે ભૂકંપ છે. આ ઘટના અંગે અનેક ચર્ચાઓ શરૂ થઈ છે. કેટલાક નિષ્ણાતો માને છે કે તે કુદરતી ભૂકંપ હોઈ શકે છે, પરંતુ વર્તમાન યુદ્ધ જેવા વાતાવરણને જાેતાં, કેટલાક વિશ્લેષકો તેને સંભવિત પરમાણુ પરીક્ષણ સાથે જાેડી રહ્યા છે. વૈજ્ઞાનિકો સામાન્ય રીતે માને છે કે જાે ભૂગર્ભ પરમાણુ પરીક્ષણો કરવામાં આવે છે, તો પરિણામી આંચકા ઘણીવાર રિક્ટર સ્કેલ પર ૪.૫ અથવા તેનાથી વધુની તીવ્રતા સુધી પહોંચી શકે છે. જાે કે, હજુ સુધી કોઈ વૈજ્ઞાનિક પુરાવા બહાર આવ્યા નથી કે તાજેતરના આંચકા પરમાણુ પરીક્ષણને કારણે થયા હતા.
ઈરાન વારંવાર દાવો કરે છે કે તે ટૂંકા ગાળામાં પરમાણુ બોમ્બ બનાવી શકે છે. દરમિયાન, ફેબ્રુઆરી ૨૦૨૬ ના રોજ આંતરરાષ્ટ્રીય પરમાણુ ઉર્જા એજન્સીના એક ગુપ્ત અહેવાલમાં જણાવાયું હતું કે તાજેતરના લશ્કરી તણાવ પહેલા, ઈરાન પાસે આશરે ૪૪૦.૯ કિલોગ્રામ યુરેનિયમ હતું જે ૬૦ ટકા સુધી સમૃદ્ધ હતું. નિષ્ણાતો માને છે કે, ૬૦ ટકા સુધી સમૃદ્ધ યુરેનિયમ શસ્ત્રોના ઉત્પાદન માટે જરૂરી ૯૦ ટકા શુદ્ધતાની ખૂબ નજીક માનવામાં આવે છે. એજન્સીનો અંદાજ છે કે જાે આ યુરેનિયમને વધુ સમૃદ્ધ કરવામાં આવે તો તે લગભગ દસ પરમાણુ શસ્ત્રો બનાવી શકે છે. આ જ કારણ છે કે ઈરાન સાથે સંબંધિત દરેક વિકાસ પર હાલમાં આંતરરાષ્ટ્રીય સ્તરે નજર રાખવામાં આવી રહી છે.
