નવરાત્રીમાં પણ મેઘો બોલાવશે ધબધબાટી ગુજરાત સહિત ૨૦ રાજ્યોમાં આંધી તોફાન સાથે વરસાદની ચેતવણી બંગાળની ખાડીમાં સર્જાયેલી વરસાદી સિસ્ટમ અને અર્નબ વાવાઝોડાની અસરના કારણે હજુ વરસાદી માહોલ
ચોમાસાની વિદાયની ઘડીઓ ગણાઈ રહી છે ત્યારે જતા જતા પણ મેઘરાજા દેશના અનેક ભાગોમાં ધબધબાટી બોલાવવાના મૂડમાં લાગે છે. દેશના પૂર્વ અને ઉત્તર રાજ્યોમાં મેઘરાજાનું રૌદ્ર સ્વરૂપ જાેવા મળી રહ્યું છે. યુપી તથા બિહાર અને ઓડિશા જેવા રાજ્યોમાં અર્નબ વાવાઝોડાએ ભારે કહેર મચાવેલો છે. હવામાન ખાતા દ્વારા આગામી ૨૪ કલાકમાં ૨૦ જેટલા રાજ્યોમાં આંધી તોફાન સાથે ભારે વરસાદની ચેતવણી અપાઈ છે. ૭૫ કિમીની ઝડપે પવન ફૂંકાઈ શકે છે. અનેક પહાડી વિસ્તારોમાં તો લેન્ડસ્લાઈડની પણ ચેતવણી છે.
બંગાળની ખાડીમાં હાલ ડીપ ડિપ્રેશન સર્જાયું છે. જેના કારણે પૂર્વ ભારત તરબોળ રહી શકે છે. આગામી ૨૪ કલાકમાં ભારે આંધી તોફાન સાથે મૂસળધાર વરસાદ પડી શકે છે. ઉત્તર પ્રદેશ, દિલ્હી, બિહાર, હરિયાણા, રાજસ્થાન, પંજાબ, ઉત્તરાખંડ, હિમાચલ પ્રદેશ, જમ્મુ અને કાશ્મીર, બંગાળ, મધ્ય પ્રદેશ, મહારાષ્ટ્ર, ગુજરાત, આંધ્ર પ્રદેશ તેલંગાણા, આંદામાન અને નિકોબાર તેમજ કેરળમાં આંધી સાથે ભારે વરસાદ પડી શકે છે. ઝારખંડ અને હિમાચલમાં ૨૯મી સુધી વરસાદ વરસી શકે છે. આવામાં ચોમાસું હજુ સપ્ટેમ્બરથી આગળ ઓક્ટોબર સુધી વધી શકે છે. સામાન્ય રીતે ઉત્તર ભારતીય રાજ્યોમાં આ સમયે ચોમાસું વિદાય થઈ રહ્યું હોય છે. પરંતુ હાલ વરસાદની શક્યતા જાેવા મળી રહી છે.
હાલ બંગાળની ખાડીમાં ઓછા દબાણનું ક્ષેત્ર બનેલું છે. જેનાથી આ લેટેસ્ટ સિસ્ટમ વરસાદની સંભાવના વધારી રહી છે. સાઈક્લોનિક સર્ક્યુલેશનની અસર હોવાના કારણે ભેજવાળો પવન મેદાની વિસ્તારો તરફ આગળ વધી રહ્યો છે અને વરસાદ પડી રહ્યો છે.
એક બાજુ બંગાળની ખાડીથી ભેજવાળો પવન આવે છે જ્યારે બીજી બાજુ પહાડી રાજ્યોમાં બરફવર્ષા બાદ ઠંડો પવન આવે છે. જેનું મેદાની વિસ્તારોમાં મહામિલન થઈ રહ્યું છે. આ અથડામણને કારણે મધ્ય અને પૂર્વી રાજ્યોમાં વાદળો છવાઈ રહ્યા છે. જેનાથી ભારે વરસા પડી રહ્યો છે.
આ વખતે અલ નીનોને નબળું કરનારું લા નીના પણ હવામાનની પરિસ્થિતિઓને પ્રશાંત મહાસાગરમાં બદલી રહ્યું છે. જેના કારણો ચોમાસું ઓક્ટોબર સુધી ખેંચાયું છે. જેના કારણે સપ્ટેમ્બરમાં સામાન્યથી વધારે વરસાદ પડ્યો છે.
હવામાન વૈજ્ઞાનિકોનું કહેવું છે કે આ ચોમાસાની વિદાય આ વખતે ઓક્ટોબર સુધી ખેંચાઈ શકે છે. કારણ કે બંગાળની ખાડીમાં બનેલી સિસ્ટમના કારણે કેટલાક રાજ્યોમાં અચાનક આંધી તોફાન અને ગાજવીજ જેવી ઘટનાઓ જાેવા મળી રહી છે. પહાડી વિસ્તારોમાં ટ્રાવેલ કરનારાઓને સાવધાની વર્તવાની સલાહ અપાઈ છે.
