હવે દરેક પાયલટની તપાસ થશે ફ્લાય દુબઇની ફ્લાઈટની ઘટના બાદ ઈઝરાયલે લીધો મોટો ર્નિણય દેશમાં પ્રવેશતી દરેક ફ્લાઇટના પાયલટની ઓળખ ચકાસવામાં આવશે અને તેમની સુરક્ષા સંબંધિત માહિતી એકત્રિત કરવામાં આવશે ફ્લાય દુબઈની ફ્લાઇટના કોકપિટમાં કો-પાયલટ દ્વારા પાયલટ પર કરાયેલા હુમલાની ઘટના બાદ ઈઝરાયલ સરકારે સુરક્ષા વ્યવસ્થાને લઈને અત્યંત કડક ર્નિણય લીધો છે. દેશમાં પ્રવેશતી દરેક ફ્લાઇટના પાયલટની ઓળખ ચકાસવામાં આવશે અને તેમની સુરક્ષા સંબંધિત માહિતી એકત્રિત કરવામાં આવશે. ઈઝરાયલ અને વિદેશી બંને એરલાઇન્સ માટે ફ્લાઇટ્સ પર સુરક્ષા વધારવાનો આદેશ આપવામાં આવ્યો છે.અહેવાલો અનુસાર, સંયુક્ત આરબ અમીરાત (UAE)થી તેલ અવીવ જઈ રહેલી ફ્લાયદુબઈની ફ્લાઈટ હ્લઢ૧૦૭૩માં કો-પાયલટે અચાનક પાયલટ પર છરી વડે હુમલો કરી વિમાનને તોડી પાડવાનો પ્રયાસ કર્યાે હતો. આ વિમાનમાં ૧૭૪ મુસાફરો સવાર હતા, જેમાં મોટાભાગના ઈઝરાયલી નાગરિકો હતા. ઘટના બાદ ફ્લાઇટને સાઉદી અરેબિયાના તાબુક તરફ વાળીને સુરક્ષિત લેન્ડિંગ કરાવવામાં આવ્યું હતું. મુસાફરો અને અન્ય ક્રૂ મેમ્બર્સની મદદથી હુમલાખોર કો-પાયલટ પર કાબૂ મેળવાયો હતો.ઈઝરાયલના વડાપ્રધાન બેન્જામિન નેતન્યાહૂએ સોશિયલ મીડિયા પ્લેટફોર્મ ‘X’ પર પોસ્ટ કરીને ભારતીય પાયલટ કેપ્ટન સ્મિત મછારની અસાધારણ બહાદુરીને સલામી આપી હતી. તેમણે લખ્યું કે, ‘છરી વાગવાથી ગંભીર રીતે ઈજાગ્રસ્ત હોવા છતાં તેણે સામી છાતીએ સામનો કર્યાે, પ્રતિકાર કર્યાે અને કોકપિટનો દરવાજાે ખોલીને મુસાફરો તથા ક્રૂ મેમ્બર્સને હુમલાખોર પર કાબૂ મેળવવામાં મદદ કરી.’નેતન્યાહૂએ વધુમાં ઉમેર્યું હતું કે, ‘કેપ્ટન મછારના આ સાહસને કારણે જ ઈઝરાયલી નાગરિકો સહિત તમામ ૧૭૪ મુસાફરોના જીવ બચ્યા છે. તેઓ એક સાચા હીરો છે અને તેઓ ઝડપથી સાજા થઈ જાય તેવી કામના છે.’ઈઝરાયલના વડાપ્રધાન કાર્યાલયના પ્રવક્તા ડોરોન સ્પીલમેને જણાવ્યું હતું કે, ‘હવેથી ઈઝરાયલમાં આવનારી દરેક ફ્લાઇટના પાયલટની ઓળખ કડક સુરક્ષા તપાસ કરવામાં આવશે, જેથી ભવિષ્યમાં આવી કોઈ ઘટનાનું પુનરાવર્તન ન થાય.’
