હુથી વિદ્રોહીઓને આપી ચેતવણી સાઉદીમાં હુમલા કરનાર હુથીઓ પર ભડક્યા ટ્રંપ સાઉદીમાં હુથી વિદ્રોહીઓ ખરાબ વર્તન કરી રહ્યા છે અમેરિકાના રાષ્ટ્રપતિએ હવે સાઉદી અરબમાં ચાલી રહેલા હુથી વિદ્રોહીઓના હુમલા પર ચેતવણી આપી દીધી છે.
સાઉદી અરબ પર હુમલો કરતાં હુથીઓ મામલે પુછાયેલા પ્રશ્નના જવાબમાં ટ્રંપ એ કહ્યું છે કે જાે તુર્કી તેમને મદદ માટે કહેશે તો તુર્કીના રાષ્ટ્રપતિ એદ્રોગન એ જ કરશે જે ટ્રંપ કહેશે.
હાલ પશ્ચિમ એશિયામાં ટેન્શન વધી રહ્યું છે. તેને જાેતાં ટ્રંપને પ્રશ્ન કરવામાં આવ્યો હતો કે હુથી વિદ્રોહીઓ વિરુદ્ધ તેઓ એકશન લેશે ? તો આ વાતના જવાબમાં ટ્રંપએ કહ્યું કે હુથીઓ ખૂબ જ ખરાબ કામ કરી રહ્યા છે. તેમણે કહ્યું કે જાે અમેરિકાની મદદ માંગવામાં આવશે તો તુર્કીના રાષ્ટ્રપતિ એદ્રોગન અમેરિકા કહેશે એ જ કરશે. જાે કે ટ્રંપએ સ્પષ્ટ શબ્દોમાં નથી કહ્યું કે તે હુથી વિદ્રોહીઓ વિરુદ્ધ મિલિટ્રી એકશન લેશે.
ટ્રંપ એ વધુમાં કહ્યું કે તુર્કીના રાષ્ટ્રપતિનું તેઓ સન્માન કરે છે, તેમની સાથે સારા રિલેશન છે. ટ્રંપને પુછવામાં આવ્યું હતું કે શું તે યમનના હુથી વિદ્રોહીઓ વિરુદ્ધ ચાલતા ઓપરેશનમાં તુર્કીને સામેલ કરવા ઈચ્છે છે તો ટ્રંપએ જવાબમાં કહ્યું કે મને લાગે છે એદ્રોગન એ જ કરશે જે હું કહીશ.
આ તકે ટ્રંપ એ ફરીવાર ઈરાનની વાત પણ કહી હતી. તેમણે કહ્યું કે ઈરાન બરબાદ દેશ છે, ઈરાનનું અર્થતંત્ર પડી ભાંગ્યું છે. ત્યારે મોંઘવારી દર વધી રહ્યો છે અને ઈરાન પાસે પૈસા પણ બચ્યા નથી. ઈરાન મામલે તેઓ ઝડપથી ર્નિણય કરશે. આ તકે ટ્રંપ એ એવી વાત પણ કરી કે હોર્મુધ સ્ટ્રેટ તેમના કંટ્રોલમાં છે અને હોર્મુઝથી તેમને ઓઈલ પણ મળી રહ્યું છે.
મહત્વનું છે કે સાઉદી અરબમાં હુથી વિદ્રોહીના હુમલા વધી રહ્યા છે. પહેલા રિયાદના આંતરરાષ્ટ્રીય એરપોર્ટ પર હુમલો કરવામાં આવ્યો ત્યારબાદ સાઉદીની સૌથી મોટી ઓઈલ કંપની પર મિસાઈલ એટેક કરવામાં આવ્યો. હુથી વિદ્રોહીઓના વધતા હુમલા વચ્ચે રાષ્ટ્રપતિ ટ્રંપએ હુથીઓને લઈને જે ચેતવણી આપી છે તેના પર હવે સૌની નજર છે.
