ઈરાન યુદ્ધ અને કથળતી અર્થવ્યવસ્થા મુદ્દે ટ્રમ્પ ભરાયા સમગ્ર અમેરિકામાં ‘નો કિંગ્સ’ વિરોધ પ્રદર્શનો ફાટી નીકળ્યા આ પ્રદર્શનો પરંપરાગત રીતે રિપબ્લિકન અને ડેમોક્રેટિક બંને વિચારધારા ધરાવતા રાજ્યોમાં જાેવા મળ્યા હતા રાષ્ટ્રપતિ ડોનાલ્ડ ટ્રમ્પની ઇમિગ્રેશન અને વિદેશ નીતિ વિરુદ્ધ અમેરિકાના લોકોમાં આક્રોશ વધી રહ્યો છે. આ સંદર્ભે સમગ્ર અમેરિકામાં મોટા પાયે વિરોધ પ્રદર્શનો શરૂ થઈ ગયા છે. હજારો લોકો નો કિંગ્સ ના બેનર હેઠળ ભેગા થયા છે અને રાષ્ટ્રપતિ ડોનાલ્ડ ટ્રમ્પની નીતિઓ સામે પોતાનો રોષ વ્યક્ત કરી રહ્યા છે. આયોજકોએ જણાવ્યું હતું કે આ પ્રદર્શનો એક સુનિયોજિત રાષ્ટ્રીય અભિયાનનો ભાગ હતા, જે અંતર્ગત સમગ્ર દેશમાં ૩,૦૦૦ થી વધુ કાર્યક્રમો યોજવામાં આવ્યા હતા. સેન્ટ પોલ સ્થિત મિનેસોટા સ્ટેટ કેપિટલ ખાતે યોજાયેલી મુખ્ય રેલીમાં સૌથી વધુ ભીડ ઉમટી હતી, જેમાં અંદાજે ૨ લાખથી વધુ લોકોએ ભાગ લીધો હતો. પ્રદર્શનકારીઓએ માર્ચ કાઢી, સૂત્રોચ્ચાર કર્યા અને ટ્રમ્પ વહીવટીતંત્રની નિંદા કરતા પોસ્ટર-બેનરો લહેરાવ્યા હતા. તેમનું મુખ્ય નિશાન વહીવટીતંત્રની ઇમિગ્રેશન સંબંધિત કડક કાર્યવાહી અને ઈરાન સાથે ચાલી રહેલા વિવાદમાં તેમની ભૂમિકા હતી. અનેક શહેરોમાં પ્રદર્શનકારીઓ મુખ્ય રસ્તાઓ પર કતારબદ્ધ ઊભા રહી ગયા હતા, જ્યારે કેટલાક લોકો જાહેર ચોકો પર એકઠા થઈને એકસાથે સૂત્રોચ્ચાર કરી વિરોધ પ્રદર્શન કરી રહ્યા હતા.
આ આંદોલનનું મુખ્ય કેન્દ્ર મિનિયાપોલિસ-સેન્ટ પોલ (મિનેસોટા) માનવામાં આવે છે, જ્યાં તાજેતરમાં ફેડરલ કાર્યવાહી દરમિયાન બે નાગરિકો, રેની ગુડ અને એલેક્સ પ્રિટીના મોત બાદ રોષ ભભૂકી ઉઠ્યો હતો. આ સિવાય નીચેના શહેરોમાં પણ મોટા પાયે રેલીઓની તૈયારીઓ ચાલી રહી છે. જેમાં વોશિંગ્ટન ડીસી, શિકાગો, ન્યૂયોર્ક અને સેન ફ્રાન્સિસ્કોનો સમાવેશ થાય છે. જાે અગાઉના આંકડા જાેઈએ તો, ઓક્ટોબરમાં માત્ર વોશિંગ્ટનમાં જ ૨ લાખથી વધુ લોકો એકઠા થયા હતા, જ્યારે શિકાગો અને ન્યૂયોર્કમાં પણ લાખોની ભીડ જાેવા મળી હતી.
‘નો કિંગ્સ’ આંદોલન છેલ્લા કેટલાક મહિનાઓમાં ડોનાલ્ડ ટ્રમ્પના વિરોધનું એક મોટું પ્રતીક બનીને ઉભરી આવ્યું છે. આ અભિયાનનું આ ત્રીજું રાષ્ટ્રવ્યાપી પ્રદર્શન છે, જેનો મુખ્ય ઉદ્દેશ્ય સરકારની નીતિઓ અને ર્નિણયો સામે અવાજ ઉઠાવવાનો છે. આયોજકોનો દાવો છે કે આ વખતે ૫૦ રાજ્યોમાં ૩,૩૦૦ થી વધુ કાર્યક્રમો થઈ શકે છે, જે તેને અમેરિકાના ઇતિહાસમાં સૌથી મોટા ઘરેલું વિરોધ પ્રદર્શનોમાં સામેલ કરી શકે છે.
